“ துருலிய லங்கா” தேசிய மர நடுகை வேலைத்திட்டம் - (06.11.2020) "
""மரங்கள் பூமியின் ஆடைகள் அவை சரிகின்ற ஒவ்வொரு போதும் பூமித்தாய் துகிலுரியப்படுகிறாள்...... மரங்கள் வருண தேவனுக்கு பூமி காட்டும் பச்சைக்கொடிகள்...... மானுடத்தின் பாவம் தீர்க்கவென்றே பிறப்பெடுத்த புண்ணிய வதிகள்.............. மலர்கள் பூமிப்பெண் அணிந்த ஆபரணங்கள் வீசும் காற்றினை மூச்சுக் காற்றாக மாற்ற ஓயாது உழைக்கும் விஞ்ஞானிகள்...... சொல்லிவிடுங்கள்! மரங்களின் மகத்துவம் சொல்லிவிடுங்கள்!! மழையின் தாய் மரங்கள் என்பதை........ காற்றின் இருதயம் இலைகள் என்பதை........ உரத்துச் சொல்லுங்கள் மனிதனே மரங்களை வெட்டாதே! உன் கோடாரியின் ஒவ்வொரு சுழற்ச்சியும் வருங்கால வம்சத்தின் கல்லறைக்கு கடைக்கால் ::: மரங்களை வாழ வை! மனிதனே ::: ....மனிதரையும் வாழ வை.... காற்றில்லாமல் உயிர்களில்லை... கரைகளில்லாமல் நதிகளில்லை... மரங்களில்லாமல் மனிதன் இல்லை""
"வளர்ந்து வரும் நாட்டுக்கு வளரும் ஒரு மரம்" எண்ணக்கருவின் கீழ் “ துருலிய லங்கா” தேசிய மர நடுகை வேலைத்திட்டத்தின் முதலாவது நிகழ்வு 2020.11.06 அன்று எமது மதிற்பிற்குரிய பிரதேச செயலாளர் திருமதி சிவப்பிரியா வில்வரத்னம் தலைமையில் களுவாஞ்சிகுடி வடக்கு கிராம உத்தியோகத்தர் பிரிவில் பெரிய குளம் அம்மன் ஆலயத்திற்கு அருகில் ஆரம்பித்து வைக்கப்பட்டது.
இந் நிகழ்வில் உதவிப்பிரதேச செயலாளர், கிராம உத்தியோகத்தர், கிராம அபிவிருத்தி சங்க தலைவர், மாதர் கிராம அபிவிருத்தி சங்க தலைவி, வட்ட விதானையார் மற்றும் பட்டதாரி பயிலுனர் போன்றோர் பங்குபற்றினர்.
கிராம உத்தியோகத்தர் தலைமையில் பட்டதாரி பயிலுனர்கள் ஒத்துழைப்புடன் 800 பனைமரக்கன்றுகள் பெரிய குளம் அம்மன் ஆலயத்திற்கு அருகில் ஆரம்பித்து களுவாஞ்சிகுடி பொதுச்சந்தை வரை நடப்பட்டது.
